Heim Persónan

HeimSkáldiðLjósmyndirnarHönnuninPersónanMálverkinHafa samband
Persónan Kennarinn Mamman / Amman	Persónan     Ágústína Jónsdóttir fæddist 4. maí 1949 í Reykjavík. Hún útskrifaðist sem snyrtifræðingur 1968 og leikskólakennari frá Fósturskóla Íslands 1976. Árið 1991 lauk hún B.Ed. prófi frá Kennaraháskóla Íslands. Ágústína var stundakennari í snyrtifræði eitt skólaár við Fjölbrautaskólann í Breiðholti. Ágústína kenndi unglingum í nokkur ár á vegum Æskulýðsráðs Reykjavíkur umhirðu húðarinnar, háttvísi, ræðumennsku og sjálfstyrkingu Ágústína tók virkan þátt í félagi íslenskra snyrtifræðinga og vann að námskrágerð fyrir snyrtifræði á vegum Iðnfræðsluráðs fyrir Fjölbrautaskóla Breiðholts. Hún fékk sveinsbréfið 1988 Ágústína kenndi í 10 ár við Hólabrekkuskóla í Breiðholti. Ágústína starfaði í 20 ár við sérkennslu í Hjallaskóla í Kópavogi. Ágústína lærði "fararstjórn erlendis" í Ferðamálaskóla Íslands og hún er einnig klínískur dáleiðslutæknir Ágústína er kennari við Álfhólsskóla í Kópavogi. Fyrsta ljóðabók hennar, Að baki mánans, kom út 1994 og síðan hefur hún sent frá sér fjórar ljóðabækur. Hún á ennfremur valin ljóð, ásamt tveimur öðrum íslenskum skáldkonum, í bókinni Ljósar hendur sem út kom 1996. Ágústína hefur einnig fengist við myndlist og lagt sig fram við hönnun bóka sinna. Lífakur var tilnefnd til bókmenntaverðlauna árið 1997. Ágústína er búsett í Garðabæ og er með vinnustofu á heimili sínu þar sem hún málar olíumálverk og selur. Þar tekur hún einnig á móti fólki í sjálfstyrkingu, dáleiðslu eða ráðgjöf.